- النهارده فى #iCareer_student هنكمل كلام عن كليه حاسبات و معلومات و هنكمل باقى اقسام الكليه و اللى بتختلف من جامعه لجامعه تانيه .

- قبل ما نتكلم عن اول قسم هنقول على حاجه مهمه فى الكليه و هى ان لو واحد مش من اوائل الكليه و عاوز يشتغل فى شركه كبيره جدا فـ مهاراته هى اللى هتساعده لما يعمل مشروع كويس او يشترك فى مسابقه بحثيه و الشركات هى اللى هتدور عليه .

- و الاقسام اللى هنتكلم عنها النهارده هى :

1- قسم نظم المعلومات الحيويه :- و القسم ده قسم خاص و فلوسه حوالى 12 الف جنيه فى السنه و ده القسم الوحيد فى حاسبات اللى بيدخله طلاب علمى علوم و ممكن يدخله طلاب علمى رياضه لكن بيدرسوا احياء فى القسم .
- الدراسه فيه بتكون عباره عن تطبيق البرمجه و الالكترونيات فى المجال الطبى زى الشرايح الطبيه الالكترونيه و برمجه جميع المعدات الطبيه للتشغيل .
- شغل القسم دا فى مصر قليل نسبيا لكن مرتباته خياليه و بره مصر فرص الشغل اكتر و المرتبات خياليه اكتر و اكتر .

2- قسم الحسابات العلميه SC :- القسم ده يمكن بيركز على الرياضيات اكتر و بتدرس فيه رسم الاشكال الهندسية المعقدة عن طريق البرمجة .
- فرص شغل القسم ده كالعاده قليله فى مصر .

- و بكده نكون خلصنا اقسام كليه حاسبات و معلومات ان شاء الله تكونوا استفدتوا مننا 

المصدر : iCareer

رابط الدرس الاول : هنا 

رابط الدرس التانى : هنا 

رابط الدرس التالت : هنا 

تابع القراءه »

- النهارده فى #iCareer_student هنكمل كلام عن كليه حاسبات و معلومات و هنكمل باقى اقسام الكليه و اللى بتختلف من جامعه لجامعه تانيه .

- قبل ما نتكلم عن اول قسم هنقول على معلومه صغيره و هى ان فى ملتقى توظيف بيتعمل كل سنه برعايه اكبر شركات للتكنولوجيا فى مصر و العالم و غالبا بيتعمل فى جامعه عين شمس و حلوان .

- و الاقسام اللى هنتكلم عنها النهارده هى :
1- قسم تكنولوجيا المعلومات IT :- و بتدرس فى القسم ده كيفيه برمجه شبكات الانترنت و برمجه مواقع الانترنت الكبيرة و بتعرف كل حاجه عن الاترنت من بدايه اختراعه لادق حاجه فيه حاليا .
- شغل القسم بيكون بيكون فى اى شركه كبيره او ممكن شغل حر فى برمجه مواقع الانترنت .

2 - قسم نظم الحاسبات :- و ده قسم موجود فى جامعه عين شمس بس و بيدرس فيه الطالب كيفيه ربط البرمجه بالهاردوير و مجال دراسته قريب جدا من قسم هندسه الحاسبات اللى فى كليه هندسه .
- شغل القسم موجود فى معظم الشركات و فى اى مكان ليه علاقه بالهاردوير و السوفت وير .

3- قسم نظم المعلومات الجغرافيه :- و ده قسم بيدرس فيه الطالب برمجه الرادارات و الاقمار الصناعيه و وسائل الاتصال الاخرى .
- شغل القسم ده قليل فى مصر لكن موجود فى الدول الاوروبيه و الاسيويه كتير جدا .

المصدر : iCareer

رابط الدرس الاول : هنا 

رابط الدرس التانى : هنا 

رابط الدرس الرابع : هنا 

تابع القراءه »

- النهارده فى ‪#‎iCareer_student‬ هنكمل كلام عن كليه حاسبات و معلومات و هنبدأ كلامنا بشرح اول قسمين فى الكليه و اللى موجودين فى كل الجامعات فى مصر بس قبل ما نبدأ هنتكلم ع معلومتين هما :

1- الدراسه فى الكليه كلها بتدور حول برامج و لغات البرمجه بمشتقاتها .

2- العشره الاوائل فى كل كليه بيشتغلوا تلقائيا فى شركه ميكروسوفت و اكبر شركات التكنولوجيا فى العالم .

- و القسمين اللى هنتكلم عنهم النهارده هما :

1- قسم علوم حاسب CS :
- يعتبر من افضل اقسام الكليه و الدراسه فى القسم ده بتدور حول برمجه الحاسب و بيدرس فيه الطالب معظم لغات البرمجه زى ( السي بلس و السي بلس بلس و الجافا و الاسيمبلي و السي شارب ) و غيرهم .
- شغل القسم ده كتير و موجود فى كل شركات الكمبيوتر ساء فى مصر او بره مصر .

2- قسم نظم المعلومات IS :
- بتدرس برمجة و بعض من شبكات الانترنت و الاتصالات و بعض من مواد التسويق و ادارة الاعمال و عدد بسيط من لغات البرمجه .

- القسم ده بتتعلم فيه ازاي تتعلم تصمم برامج لادارة الشركات و البنوك ، و ازاي تخزن بيانات الشركة كلها على برنامج واحد او على موقع انترنت واحد .

- شغل القسم ده كويس جدا و شبه مضمون و بيكون فى البنوك و الشركات الكبيره و المرتبات بتكون كويسه جدا جدا .

المصدر : iCareer

رابط الدرس الاول : هنا 

رابط الدرس التالت : هنا 

رابط الدرس الرابع : هنا 

تابع القراءه »

- كليه العباقره ، النهارده فى #iCareer_student هنكمل مشوارنا مع الكليات و هنتكلم عن كليه العباقره و المتميزين و اللى حاليا تكنولوجيا العالم كله ماشيه من خلالهم و بمساعدتهم .

- كليتنا النهارده ناس كتير بيقللوا من قيمتها حتى اللى بيدرسوا فيها ، لكن الكليه فعلا هى من احسن الكليات فى مصر و صاحبه اغلى اجور فى العالم ، كليتنا النهارده هى كليه حاسبات و معلومات.

- علشان تمشى فى كليه حاسبات و معلومات و تكون فعلا واحد من اللى بيشتغلوا فى اكبر شركات فى العالم و الاجر بتاعك خيالى بالنسبه لكل الفئات و الطبقات فـ لازم يكون عندك حاجات معينه اهمها :
1- حبك للمجال اللى انت داخله ، و دى اهم حاجه فى حاسبات و معلومات لان الدراسه فيها مينفعش تمشى بالحب و مذاكره و خلاص .
2- الكورسات طول فتره دراستك و دى اللى بتديك مهاره حقيقيه و بتخليك تحتك بمجال دراستك اكتر .
3- متصدقوش اى واحد بيقولكوا ان لو حد خد كورسات هيبقى زى خريج حاسبات ، مكانتش الكليه اتعملت و لازم يبقى معاك شهادتها ، الكورسات بتكمل مهاراتك و قدراتك بس لكن مش بتبنيها .
- و اقسام الكليه فى منها موجوده فى كل الجامعات و هما قسمين :
1- قسم علوم حاسب CS .
2- قسم نظم المعلومات IS .

- و فى اقسام بيختلف وجودها من جامعه لجامعه تانيه و فى منها كمان يعتبر قسم خاص و هما :
1- قسم تكنولوجيا المعلومات IT .
2- قسم نظم الحاسبات .
3- قسم الحسابات العلميه SC .
4- قسم نظم المعلومات الحيويه .
5- قسم هندسه البرمجيات .
6- قسم نظم المعلومات الجغرافيه .

رابط الدرس التانى : هنا 

رابط الدرس التالت : هنا 

رابط الدرس الرابع : هنا 

المصدر : iCareer

تابع القراءه »