كتير مننا لما بنبدأ نتعلم تكنولوجيا جديدة بتكون فى بعض المصطلحات و المفاهيم مختلطه علينا مثلا فيه ناس بتخلط بين لغة javascript و لغة java لمجرد التشابه فى الاسم رغم اللاختلاف التام بين اللغتين

و من ضمن اكتر الحاجات اللى بتلخبط اى اوراكلاوى جديد هو السؤال المصيرى ايه الفرق بين SQL و PL/SQL

تعريف لغة ال SQL
هى لغة موجهة للتعامل مع البيانات و بالتحديد مع قواعد البيانات العلائقية relational databases و من المفترض انها لغة نموذجية او standard بمعنى انها لغة موحده يمكن استخدامها بنفس الشكل مع جميع قواعد البيانات

كلمة SQL هى اختصار ل Structured Query Language او لغة الاستعلام البنيوية و بالمناسبه لو سمعت مبرمج بيقولك ايه هو ( السيكوال ) ماتتخضش لأن ده من اكتر الاسامى الدارجه و المتداولة بين المبرمجين و رد علية بكل ثقة و قوله سيكوال يعنى SQL و من دلوقتى لأخر الدرس انا هاستخدم كلمة سيكوال عشان تاخد عليها

ملحوظة : نتيجه للتنافس بين مصنعى قواعد البيانات و اختلاف كل قاعدة بيانات عن منافسيها فظهرت بعض الاختلافات فى لغة السيكوال و لكن الاختلافات دى فى اغلبية الحلات اختلافات بسيطه

نصيحة : لغة السيكوال من اهم اللغات اللى بيتعلمها المبرمج و من اكتر اللى بيعتمد عليها خلال مشوارة كمبرمج لأن اى برنامج بيتعامل مع قاعدة بيانات مهما كان اللغة اللى مكتوب بيها بيستخدم السيكوال بشكل مباشر او غير مباشر من الاخر لغة السيكوال هى مهارة اساسية لازم تكون عند اى مبرمج

تعريف لغة ال PL/SQL
هى لغة برمجة اجرائية procedural programming language من الجيل الرابع , هى لغة البرمجة الاساسية لقواعد البيانات اوراكل و بتستخدم عادة مع لغة السيكوال لكتابة برامج للتعامل مع اوراكل

ملحوظة: لغة PL/SQL بعكس السيكوال ليست لغة نموذجية بمعنى انها خاصه بقواعد البيانات اوراكل فقط و مش ممكن تستخدمها مع اى قاعدة بيانات اخرى

و بعيد عن التعريفات و المصطلحات و الاختصارات ممكن نعتبر على سبيل المثال ان قاعدة البيانات دى زى المخزن و البضاعة اللى داخل المخزن هى البيانات نفسها و البيانات او البضاعة دى مترتبه على ارفف لو تخيلنا ان فيه عامل قوى فى المخزن ده هو اللى مسؤل عن بناء المخزن و تركيب الرفوف و رص البضاعة على الرفوف و اخراج البضاعة خارج المخزن او ادخالها داخل المخزن.

و العامل ده ليه مدير هو امين المخزن و هو مسؤل عن جرد المخزن و تصنيف البضائع و اجراء عمليات حسابية معقدة و فى نفس الوقت مدير المخازن بيستخدم العامل فى التعامل المباشر مع البضائع مثلا يقوله روح هاتلى الصنف كذا من الرف رقم كذا

لو اخدنا المثال ده و طبقناه على السيكوال و الPL/SQL هانلاقى ان العامل القوى ده هو السيكوال حيث ان البينات (البضاعة) موجوده فى قاعدة البينات (المخزن) فى جداول (الرفوف) و السيكوال هو اللى بيتعامل مع البينات بشكل مباشر بس السيكوال ليه سقف مايقدرش يتخطاه مثلا السيكوال لوحده مايقدرش يقوم بعمليات معقده منطقية او حسابية فى حين ان PL/SQL (مدير المخازن) بيعوض نقاط ضعف السيكوال و لكن على الرغم من كده ال PL/SQL بدون سيكوال غير فعال و نقدر نقول ان العلاقه بينهم علاقه تكميلية يعنى بيكملوا بعض

الخلاصه
SQL لغة للتعامل مع البيانات من حيث تخزينها و استرجاعها الخ... (العضلات)
PL/SQL لغة برمجة يمكن من خلالها عمل عمليات حسابية و منطقية على البيانات (المخ)

اوجه التشابه بين السيكوال و ال PL/SQL
1- لغتين اساسيتين للتعامل مع قواعد البيانات اوراكل
2- يمكن استخدامهم فى مزيج حيث اللغتين يكمل كل منهم الاخر

اوجه الاختلاف بين السيكوال و ال PL/SQL
1- لغة السيكوال هى لغة نموذجية او Standard فى حين ان PL/SQL لغة خاصة بأوراكل فقط
2- لغة السيكوال تملك امكانيات هائلة فى التعامل مع البيانات و لكن لها حدود او limitations
3- فى حين ان PL/SQL تعوض هذه النواقص حيث تحتوى على اغلب خصائص لغات البرمجه الحديثه من حيث المتغيرات و الجمل الشرطية و التكرارية و الدوال الخ..

بعض وظائف لغة SQL
1- Select statement او جمل السيليكت و دى جمل بتستخدم لأستخراج البيانات من قاعدة البينات
2- DML او جمل التلاعب بالبيانات و هى جمل بتستخدم لاضافة بينات او تعديلها او حذفها
3- DDL او جمل تعريف البيانات و بتستخدم فى بناء الجداول و غيرها من الكائنات الخاصه بقاعدة البينات او التعديل فيها او حذفها

بعض وظائف و خواص PL/SQL
1- Variables المتغيرات و هى من اهم خصائص لغات البرمجه
2- Functions أو الدوال و هى مجموعه من الخطوات البرمجية و التى ينتج عنها نتيجه بالنسبه للى عارف جافا فهى زى method with return type
3- Procedures او الاجراءات و هى مجموع من الخطوات البرمجيه و اللى مابينتجش عنها نتيجه فى الجافا مثل method with void return
4- Packages او الحزم البرمجية و هى مجموعه من ال functions و ال 5- procedures المجمعه فى وحده منطقية واحدة و فكرتها الى حد ما شبه class فى الجافا
6- Exception handling و هى القدره على تنفيذ مجموعه من الاجراءات فى حالة حدوث خطأ فى البرنامج

الكلام ده احد المهندسين كاتبه وانا بنقله عنه عشان الكل يستفاد

تابع القراءه »

- السلام عليكم ورحمة الله وبركاته .. هتكلم فى التدوينة دى إن شاء الله تغطية شاملة لكورس أوراكل ديفلوبر , Oracle Developer ومصادر التعليم والشهادات

- اول حاجة عاوز اتكلم عليها هى محتوى الكورس , ايه اللى هتدرسه فى الكورس وفايدة كل حاجة منهم

1- SQL : ده اول تراك بتدرسه فى الكورس , ولغة SQL عباراة عن لغة الاستعلام الهيكلية اللى هتقدر من خلالها تنشىء قاعدة البيانات بتاعتك واجراء العمليات عليها من أضافة وحدف وتعديل وغيرها .
2- PL/SQL : ده تانى تراك بتدرسه فى الكورس , ولغة PL لغة اجرائية تقدر تعتبرها لغة البرمجة اللى هتستخدمها فى بناء قاعدة البيانات , يمكنك من خلالها اجراء بعض الجمل الشرطية والتكرار وعمل متغيرات وغيرها ولكن تسمى اجرائية لانها لاتحتوى على OOP زيها زى لغة C مثلا
3- FORMS : ده تالت تراك بتدرسه فى الكورس , والفورمز هيا عباراة عن الانترفيس أو الشاشات بتاعت الابليكشين اللى هيتعامل معاها المستخدم النهائى End User , يعنى طبيعى اليوزر او المستخدم النهائى مش هيفهم كود هو عاوز شاشة بسيطة وشوية زراير يقدر يتعامل معاها بسهوله .
4- REPORTS : ده رابع تراك بتدرسه فى الكورس والاخير , وفى التراك ده هتتعلم انك تنشىء تقارير , يعنى المدير هيطلب منك تقارير معينة زى موظفين الشركة أو العملاء أو المنتجات أو المخازن وغيرها .

- طيب هيا وظيفة الـ Oracle Developer ايه ؟ .. باختصار وظيفة مبرمج قواعد بيانات أوراكل هيا انشاء قاعدة البيانات وبرمجة الابليكشين وعمل الشاشات والتقارير (بناء برنامج قواعد بيانات كامل)

- طيب الـ Oracle Developer بيشتغل فين ؟ .. فيه نوعين من الشغل

1- تشتغل فى شركة سوفت وير , يعنى شغلتك هيا انك تعمل برامج قواعد البيانات كل يوم ملكش شغلانة غير كده وده أفضل لانك بتكتسب خبرة اكتر .
2- تشتغل فى شركة عادية زى جهينه مثلا شغالة بقواعد بيانات أوراكل أنت وظيفتك هتشتغل فى الشركة أنك تزود شاشات تعدل أو فى البرنامج وغيره زى دعم فنى .

- ملحوظة : ممكن تشتغل PL/SQL Developer , يعنى هتعمل قاعدة البيانات وتبرمجها وبس على كده مفيش شاشات ولا تقارير . على حسب نوع الوظيفة والشركة اللى هتشتغل فيها .

- طيب خلاص أنا مقتنع بالأوراكل ديفلوبر وحابب اتعلم , ابدأ مع نفسى ولا أخد كورس فى سنتر ؟
- بص هجاوبك وأنت ليك حق الاختيار .. أفضل طريقة للتعلم هيا الـ Self-Study يعنى أنك تشوف كورسات موجودة على الأنترنت ومواقع بتشرح أوراكل

ملحوظة : فيه باشمهندسين عرب مغطيين كورس الأوراكل ديفلوبر بشكل محترم ربنا يجازيهم كل خير , وكذلك فيه كورسات ومواقع اجنبيه لو بتعرف انجليزى

- طيب أنا مش بعرف اتعلم مع نفسى فى البيت , فى الحالة دى ممكن تروح تاخد كورس فى سنتر محترم ليه اسم وسمعه لو عاوز تعرف رأيى فى سنتر ابعته أنبوكس عشان ميبقاش اعلان لحد

- مصادر عشان تتعلم منها .. وهنا اخص بالذكر باشمهندس أحمد طرطور وباشمهندس هلال أحمد-
- ده كورس Oracle Developer كامل كورس Oracle Developer كامل
- شرح SQL : كورس SQL أو كورس SQL أخر
- شرح PL/SQL : كورس PL/SQL أو كورس PL/SQL تانى
- شرح FORMS : كورس FORMS أو كورس FORMS أخر
ِ- شرح REPORTS : كورس REPORTS أو كورس REPORTS أخر

- مواقع عربية متخصصة فى الأوراكل
www.araboug.org/ib
www.arabopn.com
www.arabteam2000-forum.com
www.boosla.com
www.arabhardware.net/forum
www.yallanbrmag.com

- كورسات أوراكل
www.free4arab.com/?cat=313

- موقع كتب أوراكل عربية
www.kutub.info/library/category/16

- مواقع اجنبيه
www.tutorialspoint.com/database_tutorials.htm
www.java2s.com/Book/Oracle/CatalogOracle.htm

- بالنسبة للشهادات المعتمدة الخاصة بـ Oracle Developer
- فيه امتحان خاص بـ SQL وامتحان خاص بـ PL/SQL لو اخدت الامتحانين دول وعديت فيهم هاخد شهادة اسمها OCA - Oracle Certified Associate ودى يعنى لسه مبتدىء فى اوراكل .
- فيه امتحان خاص بـ FROMS لو عديته هتاخد شهادة تانية OCP - Oracle Certified Professional ودى معناها انك بقيت ديفلوبر محترف معتمد من شركة أوراكل .

- ملحوظة : يفضل عمل أكاونت على موقع أوراكل الرسمىwww.oracle.com عشان تقدر تعمل السورسات والبرامج وتحجز الامتحانات وغيرها .


- بعد متخلص مذاكرة أى تراك من دول وحبيت تمتحن الامتحان الدولى عشان تبقى معتمد من أوراكل هتحمل برنامج اسمه Visual CertExam Suite
وحاول تدورله ع سريال أو كراك عشان تفعله وبعدين تدخل على موقع أوراكل الرسمى وتشوف الكود بتاع الامتحان اللى انت ناوى تمتحنه مثلا SQL 11g الكود بتاعه 1z0-151 وبعدين تدخل على موقع من الاتنين دول www.examcollection.com أوwww.exam4all.com وهتدور على كود الامتحان اللى انت ناوى تمتحنه هتحمله وتفتح بالبرنامج اللى حملته وهتدرب بقا ع الاسئلة كتيير عشان تبقى جاهز تحجز الامتحان أونلاين أو فى أى سنتر وتاخد الشهادة وتبقى معتمد .

الكاتب : Ahmed Mohamed 

متنساش تعمل شير لاصحابك 

تابع القراءه »